Διάλογος, Lektion 31

Thales von Milet – ein weltfremder Forscher?

Der Athener Sokrates erzählt seinen Freunden, dass er sich schon früh mit der Naturphilosophie beschäftigt hat, und kommt dabei auch auf Thales zu sprechen:



3


6


9


12


15


18


21
Ἐγώ, ὅτε νεανίας ἦν, διῆγον ὀρεγόμενος ταύτης τῆς ἐπιστήμης, ἣν οἱ πολλοὶ ζήτησιν τῆς φύσεως ὀνομάζουσιν. Καὶ ὑπ’ ἐμοῦ ἐθαυμάσθησαν, οἵτινες γιγνώσκειν ἐβούλοντο, διὰ τί γίγνεται ἕκαστον τῶν ὄντων καὶ διὰ τί διαφθείρεται καὶ διὰ τί ἔστιν. Τούτων δ’ εἷς ἦν Θαλῆς ὁ Μιλήσιος1, ὃς περὶ τὴν τοῦ κόσμου φύσιν διατρίβων πολλῶν μαθημάτων ἔμπειρος ἦν. Καὶ δὴ καὶ ᾤετο τὸ ὕδωρ στοιχεῖον πάντων τῶν ὄντων εἶναι καὶ τὴν γῆν ἐφ’ ὕδατος εἶναι. Αἰσθόμενος δὲ τὰ ἄστρα κατὰ νόμους τινὰς φερόμενα οἷός τε ἦν ἔκλειψιν2 τοῦ ἡλίου προειπεῖν (!).
Ὅμως καὶ ὅδε ὁ μῦθος περὶ αὐτοῦ λέγεται· Ὁ μὲν Θαλῆς ποτε, ἐν ᾧ εἰς τὸν οὐρανὸν ἔβλεπεν ὡς τὰ ἄστρα σκεψόμενος, εἰς φρέαρ3 ἐνέπεσεν. Δούλη (!) δέ τις τὸν σοφὸν ἐμέμψατο λέγουσα τάδε· „Ὦ Θαλῆ, τὰ μὲν ἐν οὐρανῷ γιγνώσκειν βούλει, τὰ δὲ πρὸ τῶν ποδῶν σε λανθάνει. Ἅτινα ἐπιτηδεύεις, ταῦτά σοι μόνον πράγματα παρέχει. Διὸ οὔτε κέρδος οὔτε χρήματα λαβεῖν οὔποτ’ ἐξέσται σοι.“
Statue des Thales von Lluís M. Saumells (Tarragona, Jardines de la Reconciliación)
Θαλῆς δέ· „Ἴσως ἀληθῆ λέγεις. Ἀλλ’ οἱ σοφοὶ τοῦ πλούτου οὐδαμῶς φροντίζουσιν.“
_______________________________
1) Μιλήσιος, ου: aus Milet
2 ἡ ἔκλειψις, εως: das Verschwinden
3 τὸ φρέαρ: der Brunnen